2Ch 3 | ZomZIV | STEP | Tua ciangin Solomon in a pa David tunga TOPA a kilaakna mun Jerusalem a Moriah Vum ah TOPA biakinnpi lam a kipan hi. Tua mun pen Jebus-te Araunah ancilna David gelnasa mun ahi hi.

2 Chronicles 3

Solomon in Biakinnpi Lam

1 Tua ciangin Solomon in a pa David tunga TOPA a kilaakna mun Jerusalem a Moriah Vum ah TOPA biakinnpi lam a kipan hi. Tua mun pen Jebus-te Araunah ^{▼▼3.1 Hebrew in Ornan, Araunah tawh kilamdang lo} ancilna David gelnasa mun ahi hi. 2 Amah in ama uk zawh a kumlina a kha nihna a ni nihna ni-in lam a kipan hi. ^b

3 Pasian biakinnpi lam nadingin Solomon in a bul a phah (tehna lui tong cianga tehin) adung tong sawmguk sau-a, avai tong sawmnih a zai ^{▼▼3.3 Tua in pi 90 bang (meter 27 bang) sau-a pi 30 bang (meter 9 bang) zai hi.} hi. 4 Biakinnpi mai-a innliim a inn cia mah zai-a tong ^{▼▼3.4 Tua in, pi 30 bang (meter 9 bang) tg.8,11 le 13 ah zong.} sawmnih sau in, tong ^{▼▼3.4 Septuagint pawlkhat le Syriac khutgelh pawlkhat; Hebrew ah le zakhat le sawmnih} sawmnih mah a sang hi.

Amah in a sunglam kham citakin a luan hi. 5 Amah in inndeipi sung taksing lum bekbek dap-a, kham hoihtak tawh tuamin nisuh lim le khainiang limin a zem hi. 6 Amah in suang manpha-in biakinnpi a zem hi. Tuateh a kham zatte Parvaim kham ahi hi. 7 Amah in inntung dapna zawlte, kongmung-te, kawmte le biakinnpi kongpite khamin luan a, a kawmte tungah cherub-te a tuangsak hi. ^f

8 Amah in Mun Siangtho Pen lam a, a dunglam biakinnpi vai tawh kizui-in tong sawmnih sau-in tong sawmnih a zai hi. Amah in a sunglam kham hoih talent ^{▼▼3.8 Tua in, ton 23 bang (metric ton 21 bang)} zaguk in a luan hi. 9 Kham siktukkilhte shekel ^{▼▼3.9 Tua in pound 1 ¼ bang (kilogram 0.6 bang)} sawmnga khai ahi hi. Amah in inn tungnunglam zong khamin a luan hi. ⁱ

10 Mun Siangtho Pen sungah singin cherub lim nih bawla, tuate khamin a luan hi. 11 Cherub-te kha a kizak kimin tong sawmnih a hi hi. A masa pen cherub kha khat tong ^{▼▼3.11 Tua in pi 7 ½ bang (meter 2.3 bang) tg.15 ah zong} nga sau a, biakinnpi kawm banin a kha langkhat zong tong nga mah sau a, cherub dang khat kha a ban hi. 12 Tua mah bangin a nihna cherub kha khat tong nga sau a, biakinnpi kawm langkhat banin a kha langkhat zong tong nga mah sau a cherub masapen kha a ban hi. 13 Hih cherub-te khate in tong sawmnih sung a khak hi. Amaute a khe un ding uh a, innpi ^{▼▼3.13 Ahikeh a sunglam maingat} sunglam a nga uh hi.

14 Amah in adum, adupsan le saihadial puan hoihin puanzak bawl a, a tungah cherub-te a tuangsak hi. ^l

15 Amah in biakinnpi mai-ah tong sawmthum le nga asau ^{▼▼3.15 Tua in pi 52 bang (meter 16 bang)}, khuampi phut-a, tuate a luzepna tong nga tuak ahi hi. 16 Amah in khainiangte phana ^{▼▼3.16 Ahikeh mun siangtho sunglam ah khainiangte bawl thei hi. Hih laigual Hebrew ah kician lo hi.} tuate khuampi dawnah a vial hi. Mangkawlsing gah zakhat bawl a tua khainiangte ah a gual hi. 17 Amah in tua khuampite biakinnpi mai leitaw lamah khat phut in, leilu lamah khat a phut hi. Leitaw lama pen Jakin ^{▼▼3.17 Jakin pen amah in phut cihna hi kha ding hi.} ci a, leilu lama pen Boaz ^{▼▼3.17 Boaz pen amah ah hatna om cihna hi kha ding hi.} ci-in min a vawh hi. ^q